۵ شهریور ۱۳۸۸

هۆنراوه‌یه‌کی فریشته‌ حه‌سه‌ن زاده‌

له پشت دیواری چاو پڕ له هه‌ڕه‌شه‌ی وشه کانا
له ئاره‌زووی هه موو خه ونه کان
وه رزه کان ڕاوه‌ستاون
له پشت چاوچاویلکه ی نیگات
بێ تاوان پرسیاری کاته کان ئه که ن
!

دو شعر از فرشته‌ حسن زاده‌

گنگ
گنگ تر از شروع یک حرف
دخترک دستکش پوش شهری
......وما
در نقابهای هر جایی
با احوال پرسی های چند هجایی
و حرفهای متداول
با متضادترین اشیاءها

۳۰ مرداد ۱۳۸۸

خاک

خــــــــــــــــــــــــــاک
*********
له‌م ئێواره‌ سه‌رسامه‌دا
له‌ پشته‌وه‌ی په‌نجه‌ره‌که‌ی مه‌غریبه‌وه‌
له‌سه‌ر چیا ڕه‌ش پۆشه‌کان
په‌ڵه‌هه‌ورێ
له‌ هه‌ر دوو چاوی زه‌قیه‌وه‌
هۆن هۆن فرمێسکی ده‌باراند.
**
باران نوقمی ناو خاک ئه‌بوو
درخت و با باوه‌شێنی خاکیان ده‌کرد
له‌ڕێ‌ی هاتوو و چۆی هه‌وره‌وه‌
خاکم بینی
خاکم ناسی
دووئه‌ویندار
له‌ژێر ڕێژنه‌ی بارانه‌دا
ژوانیان هه‌ڵدا
ئه‌ویان ئه‌وه‌ی تری ماچ ئه‌کرد
له‌وانه‌وه‌
ماچم بینی
ماچم ناسی
**
تامی ماچ و پیرۆزی خاک
وایان لێم کرد؛
دانه‌ویم و
چوار ده‌ست و پێ
کڕنۆشم برد، خاکم ماچ کرد.

**********
باوکی ڕامتین

۱۷ مرداد ۱۳۸۸

به‌ یادی پار
***
که‌ یار ڕۆیشت؛
داره‌ بی یه‌که‌ی خوارووی ماڵمان
پێی وتم :
"غه‌م دات نه‌گرێ
لاخم- گه‌ڵای سه‌وزو ناسک داده‌ڕێژێ
پۆخم- کڵووک ده‌ر ده‌کات و
قامه‌تیشم
- وه‌کوو که‌وباڕ-
په‌ڕی کۆنی ده‌هاوێژێ
ئه‌تۆش ئه‌مجار
به‌ یادی پار
له‌سه‌ر فه‌ڕشی سێبه‌ره‌که‌م
هه‌ر ئاخێک و قومێک سیگار...!
هه‌ر ئاخێک و قومێک سیگار...!
"

********************
باوکی ڕامتین

*****************
پێش ئه‌وه‌ی خۆشت بوێم
خۆشه‌ویستیم کرده‌ ئه‌ڵقه‌یه‌ک و
له‌ په‌نجه‌م دای
پێش ئه‌وه‌ی له‌ گه‌ڵمابی
شه‌وانه‌ له‌ باوه‌شتا ئه‌نووستم
پێش ئه‌وه‌ی بم ناسی
ناسنامه‌که‌م له‌ ناو جانتای مه‌دره‌سه‌ت دا
بۆ ته‌نیایی خۆی ده‌گریا
پێش ئه‌وه‌ی بم بینی
دزه‌م کرده‌ ناو نیگاکانت و
له‌ ژوانێکی کورتیله‌ دا
تێـــر
تێـــر
ماچم
کـردی!




****************
م.ا.چ
***
هه‌وری قژێک
له‌ ئاسمانی
ناوچاوانت
خۆری ڕۆتی
داپۆشیوه‌
مژی خاڵیک
بۆ ناو دۆڵی
سنگ و مه‌مکت
دابه‌زیوه‌
به‌سه‌رتاڤگه‌ی
چاوه‌کانتا
ڕووبارێکی
فرمێسکاوی
دێته‌ خوارێ
تنۆک تنۆک
گه‌ڵای لێوت
گه‌زۆی ماچی
لـێ...
ئـه...
‌ بـار...
ێ...!
باوکی ڕامتین